Kreu i Partisë Demokratike, Lulzim Basha deklaroi përpara gazetarëve se dy të enjtet e ardhshme qytetarët do të mblidhen përpara godinës së Kuvendit nga ku do të kërkojnë rrëzimin e Edi Ramës nga pushteti.
Me 28 shkurt opozita do të zhvillojë një protestë përpara Kuvendit, gjithashtu edhe me 7 mars, ndërsa me datë 16 mars Basha paralajmëroi një tjetër protestë të madhe e cila sipas tij ka për qëllim dhe do të arrijë rrëzimin e uzurpuesit më të madhë të shqiptarëve Edi Ramës.
“Një gjë është e sigurtë, hapi që kemi hedhur nuk është i pa kthim vetëm për opozitën por është pa kthim edhe për Edi Ramën. Opozita e bashkuar do të marrë masat me protestë pas proteste deri në shporrjen e Edi Ramës duke ia rikthyer pushtetin popullit përmes zgjedhjeve të lira dhe të ndershme. Një pushtet që rama e ka marrë me Habilajt, Dakot, Sejdinajt, Avdylajt, Shullazët. Protestat sapo kanë nisur deri në një të nesërme e cila do t’ju përkasë qytëetarëve shqiptarë. Do të rikthehemi tek zgjedhjet e ndershme, tek ato që ka frikë Edi Rama”, – deklaroi Basha.
Ai bëri edhe një batutë me gazetarët i cili i tha njërit prej tyre që ta lëshonte migrofonin se e mbante ai, pasi sipas tij ai po dridhej, por që sipas Bashës s’kishte pse të kishte frikë sepse ajo është vrarë me 16 shkurt. Por gazetari iu përgjigj se thjeshtë kishte ftohtë.
(F.GJ/FAXWEB.AL)
