Kryeministri i vendit Edi Rama dhe Presidenti i Federatës Shqiptare të Futbollit, Armand Duka kanë zhvilluar pasditen e djeshme një takim mes tyre për zgjidhjen e problematikës së sigurisë në stadiume, që ka sjellë ngërç në futbollin shqiptar.
Kryeministri i ka shprehur kreut të FSHF-së gadishmërinë e tij për të adresuar të gjithë problematikën, me qëllim rikthimin në normalitetit të sportit më popullor të shqiptarëve.
Ditën e hënë pritet të zhvillohet një tryezë e përbashkët me të gjithë aktorët, e drejtuar nga vetë kreu i qeverisë për të gjetur rrugëzgjidhjet në rikthimin e sigurisë në stadiume, parandalimin e dhunës dhe mbarëvajtjen normale të kampionatit.
Kujtojmë se këtë fundjavë kampionati nuk është zhvilluar për shkak se arbitrat kanë vendosur bojkotin total të ndeshjeve.
(E.K/FAXWEB.AL)
Discussion about this post