Është goditur një grup kriminal sot nga drejtësia italiane duke vendosur 14 persona, një pjesë duke u hetaur në gjendje të lirë dhe të tjerë ende në kërkim.
Grupi kriminal vepronte përgjatë gjithë bregut të Abrruzzos dhe jashtë rajonin.
Gjatë dy viteve të hetimit, janë kapur sasi të mëdha hashashi, marijuane dhe kokaine, me vlerën e tregut mes 5 dhe 6 milionë euro.
Të arrestuarit me burg janë shqiptarë dhe rumunë, me banim në krahinat e Pescara, Chieti, Teramo dhe Roma. Baza logjistike e organizatës kriminale u identifikua në krahinën e Chietit, midis Tollo dhe Guardiagrele.
Hetimi, i koordinuar nga Zyra e Prokurorit të Qarkut Anti-Mafia në L’Aquila, çoi në nxjerrjen e 17 urdhrave të paraburgimit në burg, ndërsa 76 persona janë të dyshuar.
Gjatë operacionit është sekuestruar 300 kg marijuanë “portokalli”, një nga cilësitë më të mira, 90 kg hashash dhe 1 kg kokainë. Gjithashtu, janë sekuestruar edhe 20 mijë euro, armë dhe municione, përfshirë një pistoletë me silenciator.
Vetëfinancimi i organizatës u bë edhe përmes plaçkitjeve, ku është vjedhura edhe pistoleta.
Tre kanale të identifikuara të furnizimit me drogë të organizatës, janë Shqipëria, Gadishulli Iberian dhe nga Lazio.
Në një rast droga, do të duhej të transportohej nga Milano në Abruzzo brenda disa dyshekëve të lyer me një bojë të posaçme që parandalonte nuhatjen nga qentë të drogës, por policia arriti të zbulonte dhe konfiskonte 275 kilogram marijuanë.
Hetimet kanë zbuluar se anëtarët e organizatës shpesh ndryshonin makinat për të lëvizur, edhe në bazë javore. Të njëjtën gjë bënë edhe me kartat e telefonave celularë, kryesisht të regjistruar në emër të kinezëve apo njerëzve nga Bangladeshi, në mënyrë që të bëhej tejet i vështirë gjurmimi i përdoruesve të vërtetë.
Pas operacionit, katër njerëz janë ende në kërkim.
https://www.youtube.com/watch?v=U2TZNjCTbQw
Discussion about this post