Ditën e sotme Grqia ndodhet në heshtje zgjedhore pasi nesër grekët shkojnë drejt kutive të votimit për të zgjedhur përfaqësuesit e tyre në Parlament.
Dy partitë që pretendojnë të marrin shumicën e votave në këto zgjedhje të përgjithshme janë Syriza, e kryeministrit aktual Aleksis Tsipras dhe Demokracia e Re e drejtuar nga Kyriakos Mitsotakis.
Duke marë parasysh rezultatet e zgjedhjeve të fundit për Parlmentin Europian, por edhe ato të vendoreve, Demokracia e Re futet në këtë process si e avantazhuar shto kësaj edhe faktin se koalicioni qeverisës pësoi një humbje të thellë kundër të djathtëve të Mitsotakis.
Por jo vetëm kaq, ndikim të madh dhe me shumë gjasa negative për Tsiprasin do të ketë edhe pakënaqësia e grekëve për marrëveshjen e Prespës si dhe krizën ekonomike që e ka ‘shtrydhur’ vendin fqinj prej vitesh.
Nga ana tjetër, në rrafshin rajonal, ardhja në pushtet e Demokracisë së Re mund të ketë pasoja negative për Shqipërinë. Kujtojmë se lideri i saj paralajmëroi gjatë fushatës elektorale vendosjen e vetos ndaj integrimit të Shqipërisë nëse këtu nuk zbatohen siç duhen të drejtat e minoritetit grek.
“Mbrëmjen e 7 korrikut do të jem Kryeministër i Greqisë dhe i të gjithë grekëve”, tha Mitsotakis. Por pavarësisht sondazheve që e nxjerrin atë fitues me mbi 33% të votave ende nuk dihet nëse Demokracia e Re do të mund të qeverisë e vetme. Lidhur me këtë, Mitsotakis ka thënsë se nëse nuk arrin një maxhorancë të plotë, ai do të kërkojë zgjedhje të reja.
Nga ana tjetër, Tsipras po shpreson që aleanca e tij me PASOK ti japë numrin e duhur të deputetëve për të qeverisur. “Ne po kërkojmë një mandat të plotë, jo një mundësi të dytë, por një shans të parë për të qeverisur me programin tonë, pa trojkën mbi kokën tonë”, ka deklaruar më herët Tsipras.
(F.GJ/FAXWEB.AL)
