Udhëtonte me motorr, aksidentohet rëndë 32 vjeçari (EMRI)

Një ngjarje e rëndë ka ndodhur në Bulqizë pasditen e sotme ku një person që udhëtonte me motorr, është aksidentuar rëndë.

Një 32 vjeçar që udhëtonte nga Bulqiza në drejtim të Shupenzës ka dalë nga rruga duke u përplasur me barrierat metalike anësore.

Mësohet se 32 vjeçari, Sulejman Llani ka marrë fraktura të rënda në kokë si pasojë e përplasjes me barrierat metalike.

Ai është dërguar me urgjencë në spitalin e Bulqizës e më pas drejt spitalit të traumës në Tiranë.

Paraprakisht dyshohet që shkak të jetë bërë humbja e kontrollit të mjetit motorr, ndërsa dëmtimi në kokë i ka ardhur si rezultat i mos vendosjes së skafandrës.