Pasditen e sotme një zjarr përfshiu një zyrë në katin e parë të godinës së Bashkisë së Durrësit ku dhe lidhur me këtë ngjarje kanë ardhur edhe reagimet e para edhe nga përfaqësues të politikës në vend.
Kryetari i Partisë Demokratike në Durrës, Ferdinand Xhaferaj, thotë se Dako po fshin gjurmët perms zjarrit të gjithë asaj që ka bërë gjithë këto vite me tenderët dhe lejet e ndërtimit
“Pasi mori shuplakën nga populli në 30 qershor, tani para se të ikin po fshijnë gjurmët përmes zjarrit të asaj që kanë bërë gjithë këto vite me tenderët dhe lejet e ndërtimit. E gjithë bashkia e Durrësit ka qenë një dosje “339” nga fillimi deri në fund”, shprehet Xhaferaj.
Ndërkohë ish-deputeti i Partisë Demokratike, Oerd Bylykbashi shkruan se zjarri bie aty ku ka dosje për t’u pastruar, sepse të gjithë e dinë që Rama të shet për kokë turku kur nuk i duhesh më.
“Me mire zjarri se SPAK. Asnje cudi, zjarri gjithmone bie aty ku ka dosje me siklet. Fundja zjarri pastron mekatet me mire se cdo gje.
Keta kane frike edhe nga njeri tjetri. Spastrojne dosjet e korrupsionit qe te mos i mbajne peng. Sepse e dine qe Rama te shet per koke turku kur nuk i duhesh me. Dako e di me mire se kushdo”, shkruan Bylykbashi.
(F.GJ/FAXWEB.AL)
Discussion about this post