Shkrumbohet nga flakët magazina dhe 2 ndërtesa, 3 zjarrëfikëse në vendngjarje

Një zjarr i përmasave të mëdha ka shkrumbuar një magazinë dhe 2 godina të tjera në fshatin Mursi, Bashkia Konispol.

Mësohet se zjarri ka filluar në një zdrukthtari, ku si shkak dyshohet të ketë qenë një shkëndije elektrike.

Më pas flakët e zjarrit janë përhapur edhe në 2 godina të një biznesi tjetër që shërbenin si depo dhe ambient fjetjeje për punonjësit.

Për të shuar flakët kanë punuar 3 mjete zjarrfikëse të Konispolit dhe Sarandës, pasi përhapja e zjarrit rrezikonte edhe banesat e fshatit Mursi, të cilat ndodhen vetëm disa metra larg vatrës së zjarrit.

Aktualisht zjarri është shuar, ndërkohë që vazhdojnë hetimet për të saktësuar shkakun e zjarrit.

(F.GJ/FAXWEB.AL)