“Nuk jam shumë në moshë të madhe, jam vetëm 33-vjeç. Kam një dëmtim tani dhe nëse arrij ta kaloj atë, do të thyej rekord dhe do të luaj deri në moshën 41-vjeç. Me pasionin dhe vullnetin që kam do e arrij”, – kaq mjafton për të aluduar për rikthimin e tij në fushë dhe kohëzgjatjen e dëmtimit.
Ish-lojtari i kombëtares së Shqipërisë ka folur dhe për merkaton e verës. “Sa i përket ofertës së Kukësit, Shqipëria është e vogël. Takova mes miqsh edhe presidentin e Kukësit, Safet Gjicin. Ai më bëri një ofertë që t’i bashkohesha këtij ekipi, por unë nuk e mendova kurrë që të shkoja. . Si mund të ikja në ekip tjetër, kur vitet që kam kaluar te Tirana ishin më të bukurat e karrierës?”, – tha Lila.
