Deputeti i Partisë Socialiste Alket Hyseni i ftuar në Fax News, duke forlu për aktualitetin politik, riktheu në vëmendje procesin e shkakrimit që ka ndërmarrë Partia Socialiste ndaj presidentit Ilir Meta.
Hyseni deklaroi se priste nga Meta që të jepte dorëheqjen pas përgjigjes nga Komsioni i Venecias, ku thuhej se presidenti ka shkelur kushtetutën.
Më tej Hyseni deklaroi se Komisioni Hetimor do të shqyrtojë përgjigjen e Komisionit të Venesias dhe më pas do ti paraqesë Kuvendit argumentat për shkarkimin e Metës. Hyseni shprehu bindjen e plotë se Kuvendi do të votojë për shkarkimin e presidentit. Proces që më pas do të kalojë në Gjykatën Kushtetuese.
“Presidenti përfaqëson një institucion të rëndësishëm, që bazohet në integritetin dhe në fjalën e dhënë. Besoja se do të gjente kurajon politike se do të jepte dorëheqjen. Komisioni i Venecias u shpreh qartë se presidenti duhet të jepte dorëheqjen.
Venecia ka dhënë një përgjigje ndaj kërkesës së kryetarit të Kuvendit. Institucione të tjera vendore në këtë kushte kërkuam një ekpertizë të huaj. Ajo ekspertizë ka ardhur në nivelin paraprak. Përgjigjen përfundimtare do të shqyrtohet nga Komsioni Hetimor, pastaj do ti rekomandojmë Kuvendit të Shqipërisë. Nga kjo pikpamje nuk është kërkuar nëse duhet shkarkuar apo jo. Ka ushtruar kompeteneca që nuk i ka, ka tentuar të pamundësoje të drejtën e zgjedhjeve ndaj individëve të Shqipërisë. Në këtë rrethana ne do ti paraqesim në institucionin hetimor. Ky nuk është proces ndaj Ilir Metës, është në atë pozicion i zgjedhur nga PS përndryshe nuk zgjidhej kurrë, por ne nuk kemi zhvilluar një proces ndaj individit, por për ruajtjen e kushtetutës. Kemi qenë të shqetësuar se një institucion që duhet të ishte garant mbi palët dhe ruajtjen e Kushtetutes, po merr kah të hapur politik, duke shkelur Kushtetutën. Të jeni të sigurt se ne do të ndiqnim të njëjtat kushte edhe nëse do të ishte një emër tjetër.
Presidenti Meta ka thënë që do të japë dorëheqjen, nëse Komisioni i Venecias thotë që e ka shkelur Kushtetutën. Venecia është një organ i pavaruar dhe nëse mendon se mund të kapet ai institucion është mjeran politik. Unë po ju them që çdo shkelje e kushtetutës është shkelje e rëndë. Ai institucion nuk duhet të bijë në këtë nivel ordiner. Është shkelje shumë e rëndë ti pamundësosh qytetarëve të drejtën për të marrë pjesë në zgjedhje.
Të jem i qartë flas sa i takon hapave proceduriale të Kuvendit. Kuvendi ka aspektin e parë të shkarkimit të presidentit. Bazuar në kushtetutë kryen një procedurë që kalon nga komisioni hetimor. Unë besoj se janë të gjitha argumentet që raportiti i komisionit do të jetë i plotë dhe Kuvendi do të vendosë për shkarkimin. Ky raport më pas shkon në Gjykatën Kushtetuse, deri atëherë do jetë krijuar dhe Gjykata e Kushtetuese dhe besojmë se do të ketë një përgjigje.”- u shpreh Hyseni.
(M.Q/Faxweb.al)
Discussion about this post