Ditën e djeshme, FaxNews publikoi skandalin lidhur me falsifikimin lidhur me hidrocentralin në zonën e Kaçinarit në Mirditë. Këshilltarët e partisë Demokratike zbuluan që vendimi për hidrocentralin është manipuluar dhe falsifikuar nga këshiltarët aktual të Bashkisë.(LEXO KETU)
Ditën e djeshme, ish-këshilltar i Këshillit Bashkiak në Mirditë Gjon Pjetri ka konfirmuar denoncimin e bërë nga PD dhe tregoi me emra personat që duhet të mbajnë përgjegjesi.
Ndërsa mëngjesin e ditës së sotme është publikuar një email i datës 14 tetor ku zyra e Bashkëqeverisjes ku ka konfirmuar skandalin me dhënien e lejeve për ndërtimin e H/C-i në Fan të Mirditës.
Në një njoftim, partia demokratike në Mirditë shkruan se “çuditërisht platforma për bashkqeverisjen , njofton banoret e zonës se në Agjencinë kombëtare të Mjedisit , shoqëria që ka marrë lejen për ndërtimin e H/C-it ne Fan , “ EME ENERGJI “ shpk, nuk ka aplikuar për procedurat e ndikimit në mjedis, në të cilin përfshihet dhe dakortesia e komunitetit!”
Njoftimi i plotë:
Ashtu sic kemi shkruar disa herë, banorët e Fanit kane kundërshtuar ashpër vendimet e Ministrisë Energjitikës dhe Bashkisë Mirditë, për ndërtim H/C-i në Fan dhe janë përballur me mjete presioni dhe joshje nga strukturat shtetërore dhe lokale por dhe me presionin e policisë së shtetit !
Por njëkohesisht ata kanë ndjekur dhe linjen institucionale me institucionet përgjegjëse si Ministria Energjitikës , Ministria Mjedisit dhe Bashkia Mirditë si dhe ankimin në platformën e bashkqeverisjes !
Cuditërisht platforma për bashkqeverisjen , njofton banoret e zonës se në Agjencinë kombëtare të Mjedisit , shoqëria që ka marrë lejen për ndërtimin e H/C-it ne Fan , “ EME ENERGJI “ shpk , nuk ka aplikuar për procedurat e ndikimit në mjedis, në të cilin përfshihet dhe dakortesia e komunitetit !
Kjo përputhet plotesisht dhe me deklarimet e banorëve të Fanit, të cilët kanë deklaruar në mënyrë të vazhdueshme se nuk është marrë mendimi i banorëve për ndërtimin e H/C-it .
Natyrisht kemi të bëjmë me shkelje flagrante të ligjit nga institucionet përkatese !
Ndërsa Bashkia Mirditë e kapur në mënyrë flagrante me fallsifikimin e vendimeve të Këshillit Bashkiak për ndërtimin e H/C-ve në Kacinar, duhet të bëjë transparente, vendimet për dhënie sipërfaqe tokash për ndërtimin e H/C-ve në FAN, Urakë, Zajs dhe kërkesa do jetë e menjëhershme, bazuar në ligjin për informimin publik!
(K.H/Faxweb.al)
