Adriana Kalaja, e cila njihet si një aktiviste në mbrojtje të Teatrit Kombëtar, tregoi për FaxNeës se çfarë ndodhi pak minuta më parë tek sheshi i teatrit mes artistëve dhe forcave të policisë. Gjatë një lidhjeje telefonike ajo sqaroi në fillim arsyen se pse ka ndodhur konfrontimi.
Sipas saj, e gjitha kjo nisi pas denoncimit të Aleancës për Mbrojtjen e Teatrit për ndihmat që u panë tek Ministria e Brendshme.
“Konstatuam një makinë që ishte mbushur me qese dhe mbi pako pamë emrin e një fondacioni. Kjo na bëri kuriozë sepse makina ndaloi tek dera e Ministrisë së Brendshme dhe filloi shkarkimi I ushqimeve. U afruam, e xhiruam të gjithë skenënë. Dhe kur pyertëm pse këto ndidhma të njerëzve në nevojë shkarkohenn tek Ministria e Brendshme, përgjigjan e policisë ishte që janë prova mateirale të sekuestruara nga policia. Ne e kundërshtuam dhe thamë që prova materiale nuk shkon te Ministria e Brendshme. Në këto kushte ne bëmë një publikim në media”, tha ajo.
Ish-administratorja e Partisë Libra u shpreh se pasi kishte dalë nga sheshi i policisë, efektivët e kanë ndjekur mbrapa dhe kanë tentuar shoqërimin e saj me dhunë.
“Në orët e pasdites unë jam kontaktuar 2-3 herë nga punonjësit e policisë me motivacionin se donin të më takonin. Erdhën më takuan tek sheshi i teatrit. Sapo dola nga sheshi i teatrit më ndoqi një makinë policie nga mbrapa, ma bëri me shenjë të hap krahun. Komunikuam në mënyrë të sjellshme, i kërkova një shkresë zyrtare për ç’motivacion duhet të shoqërohesha. Ishin dy makina, një me policë të shtetit dhe një me policë privatë. Kjo është në shkelje me ligjin”, theksoi Kalaja për FaxNews.
Ajo shtoi se punonjësit e policisë nuk kishin shkresa ligjore për shoqëriomin e saj.
“Unë refuzova shoqërimin tim sepse nuk kishte një shkresë ligjore. Të gjithë protestuesit e teatrit më mbështetën dhe në panik e sipër punonjësit e policisë u larguan, por situatën e shikoj goxha të nderë sepse nga momenti në moment ata mund të më arrestojnë. Kjo është një ironi, të arrestohet një qytetare që denoncon abuzimet dhe jo ai që vjedh. Më ndaluan dhe më tërhoqën zbarrë për të më futur me forcë në makinën e policisë”, deklaroi Adriana Kalaja.
(M. I./ Faxweb.al)
Discussion about this post