Detaje të reja janë zbuluar nga hetimi për helmimin e çiftit të sapomartuar në Librazhd, ku Rezarta Hajdari 19 vjeçe gjeti vdekjen dhe Olsian Hajdari po kurohet në spital në gjendje të rëndë.
Burime për Fax News nga policia bëjnë me dije se pista ku po hetohet është edhe ajo e një helmimi të mundshëm që persona të tjerë mund t’i kenë bërë çiftit të sapomartuar.
Të dy të rinjve sipas mjekëve u vinte aroma fotoksinë, por asnjë ambalazh fotoksine nuk është gjendur në dhomën ku u gjetën të rinjtë.
Vajzës në morgun e qytetit ka nisur ti ndjehet era e fortë e helmit, pasi në momentet e mbërritjes në spital mjekët ishin ende të paqartë me shkaqet e vdekjes.
Sipas shpjegimit të mjekut reanimator dhe toksikologut, sasia e fotoksinës është e madhe. Fotoksina mendohet të jetë tretur në ushqim ose në pije.
Sipas tyre duhen disa orë nga konsumi që era e fotoksinës të dalë si aromë pasi është thithur nga organizmi nëpërmjet lëngut apo ushqimit të konsumuar.
Policia e Elbasanit dyshon që çifti i të rinjve të jenë helmuar, jo vetëhelmuar, megjithate kjo mbetet ende një pistë për të cilen policia po merr në pyetje persona të afërt të familjes.
19 vjeçarja nuk mundi dot që të mbijetonte, duke mbërritur e vdekur në spitalin e Librazhdit, ndërkohë që Olsiani po lufton për të qendruar në jetë, dhe po mbahet i intubuar.
Misteri në lidhje me pistën e vetëhelmimit mbetet mbi arsyet që kanë shtyrë të rinjtë drejt këtij akti fatal, ndërkohë që ishin martuar vetëm 5 ditë më parë. Vëllai i Rezartës, është ai që ka vënë kujën në spitalin e Elbasanit, dhe ku duket se hedh dyshime të forta mbi ngjarjen, teksa kërkon që të gjejë vrasësit e motrës së tij.
“Oh Zot, kush ta bëri të keqen ty, oh Zot! Kush qe ai dorëmallkuar që ta bëri këtë, kush qe?! Ça mi bënë motrës teme, ku qenë ato, ku janë të iki ti vras, ti shuaj të gjithë”, janë disa nga thirrjet rrëqethëse të të riut.
Kujdes pamjet e mëposhtme janë të rënda:
(M.Q/Faxweb.al)
Discussion about this post