Policia ka shoqëruar 6 persona që mund të kenë dijeni rreth vrasjes së 47-vjeçarit Kastriot Reçi, i cili u ekzekutua ditën e djeshme në qendër të Rrëshenit, me snajper nga 150 metra largësi dhe u godit me një plumb në zemër.
Në momentin e ngjarjes viktima ka qenë së bashku me të vëllane dhe sapo kishin parkuar makinen po hynin ne lokalin në pronesi të tyre. I vëllai për fat kishte hyrë në lokal vetëm pak sekonda përpara Kastriot Reçit.
Bëhet me dije se vrasësi, përpara se të kryente ekzekutimin me snajper, ka shkuar në katin e fundit të një pallati, i cili ishte i pabanueshëm, pasi të zotët e shtëpisë nuk jetonin në të.
Ai e ka hapur derën me forcë dhe në atë shtëpi ka qëndruar derisa ka kryer vrasjen.
Tashmë janë sekuestruar të gjitha kamerat e sigurisë në qytet, por ende nuk ka filmime qe tregojnë vrasësin me maskë teksa lë në tokë snajperin.
Por ka filmime me interes për hetimin nga dy kamera sigurie që lidhen me identifikimin dhe zbulimin e dy mjeteve, por edhe të një personi.
Pista e vetme ngelet vetëm ajo e hakmarrjes.
Discussion about this post