Ambasadori i Mbretërisë së Bashkuar në Iran është arrestuar gjatë protestave në Teheran gjatë natës së sotme, njoftoi agjencia gjysmë zyrtare e Iranit, Tasnim.
Rob Macaire ishte i pranishëm gjatë protestave të së shtunës përpara Universitetit Amir Kabir të Teheranit dhe aty u arrestua, thuhet në raportin e Tasnim, ndërsa BBC raporton se ai është lënë i lirë pas tre orësh.
Po sipas BBC ambasadori është arrestuar teksa është ndalur te një berber, për prerjen e flokëve dhe nuk ka qenë pjesë e demostratave.
Mbretëria e Bashkuar e përshkroi ndalimin e ambasadorit si një “shkelje flagrante të ligjit ndërkombëtar”.
Sekretari i Jashtëm i Mbretërisë së Bashkuar Dominic Raab tha: “Arrestimi i Ambasadorit tonë në Teheran pa arsye ose shpjegime është një shkelje flagrante e ligjit ndërkombëtar.
Qeveria iraniane është në një moment kryqëzimi. Ajo mund të vazhdojë marshimin e saj drejt izolimit politik dhe ekonomik që kërkon, ose të ndërmarrë hapa për të ulur tensionet dhe të angazhohet në marrëveshje politike.”
Macaire u emërua në rolin e Ambasadorit në Prill 2018, duke zëvendësuar Nicholas Hopton, ndërsa sipas Iranit zyrtar ai ka marrë pjesë në organizimin e protestave studentore.
Iranianët janë mbledhur në rrugët e Teheranit për të kërkuar dorëheqjen e Ayatollah Seyed Ali Khamenei, pasi regjimi pranoi se kishte qëlluar gabimisht një aeroplan civilësh, gjatë javës së kaluar, ku vdiqën të paktën 176 persona.
Turma të zemëruara u mblodhën në të paktën në katër lokacione në Teheran, duke brohoritur ‘vdekje për gënjeshtarët’ dhe duke bërë thirrje që udhëheqësi suprem i vendit të hiqte dorë nga gabimi tragjik ushtarak.
(E.K/Faxweb.al)
Discussion about this post