Ministrja e Shtetit për Marrëdhëniet me Parlamentin Elisa Spiropali ka reaguar pas thirrjeve të presidentit Ilir Meta, ku lajmëroi një tubim më datë 2 Mars në Bulevardin “”Dëshmorët e Kombit”, kundër grushtit të shteti, që ai cilëson qeverinë.
Spiropali ngre pyetjen se pse Ilir Meta priti Konferencën e Donatorëve për ta ribërë leckë Presidentin, ndërkohë që shton se për I.Metën s’ka të sosur!
Ndërkohë për sa i përket Grushtit të Shtetit, Spiropali shkruan se ka nisur në kokën e Ilirit qysh kur nisi Reforma në Drejtësie dhe do të vazhdojë sipas saj sa herë që në konsensus me SHBA/BE miratojnë ligje që Metës i duken grushta.
“1/Pyetja sot s’është pse Presidentit i ka dalë gjuha jashtë kontrollit dhe s’ka më asnjë kontroll mbi Ilir Metën.Kjo dihet.Pyetja është pse Ilir Meta priti Konferencën e Donatorëve për ta ribërë leckë Presidentin!Keqardhja për Presidentin ka sosur.Ajo për I.Metën s’ka të sosur!
2/Zoti e ndihmoftë Ilir Metën se Presidentin s’e ndihmon dot më as Luli! Populli jo e jo. Sa për grushtin e shtetit,ai ka nisur në kokën e Ilirit qysh kur nisi Reforma në Drejtësi dhe do të vazhdojë sa herë që në konsensus me SHBA/BE ne miratojmë ligje që atij i duken grushta.”- shkruan Spiropali.
Presidenti Ilir Meta ditën e sotme ka lajmëruar një tubim më datë 2 Mars në Bulevardin “”Dëshmorët e Kombit”.
Meta ka deklaruar gjatë një konference me gazetarët se në këtë datë ai do të firmos në bulevard një dekret me anë të të cilit do të shpartallojë grushtin e shtetit.
Ai ka bërë thirrje për pjesmarrje popullore për të çliruar sipas tij institucionet përreth Bulevardit nga uzurpimi ku edhe do të firmoste një dekret për të cilin nuk ka treguar detaje se me çfarë ka të bëjë.
(M.Q/Faxweb.al)
