“Air Albania Stadium” u përurua më 17 nëntor të vitit 2019 në ndeshjen Shqipëri-Francë. Por megjithëse janë kryer shumë investime dhe shpenzime federata vazhdon të hasë vështirësi në infrastrukturën sportive, ku shqetësimi kryesor është padyshim fusha.
Kështu duke parë që fusha ka nxjerrë shumë probleme të vazhdueshme federata ka gjetur një zgjidhje alternative, atë të të krijimit të një ‘’dielli artificial’’, projekt që kap shifrën e 200.000 eurove
Lajmi është konfirmuar për Fax News nga anëtari i Komitetit Ekzekutiv të FSHF-së Arben Dervishaj, i cili ka deklaruar se është i nevojshmë investimi pasi një pjesë e stadiumit nuk e zë dielli, pjesën jugore, çkaë bën që bari të mos rritet.
Dervishaj tha se me barë hibrid nuk janë mundësitë prandaj duhet të blejnë llamba, ndërkohë që shtoi se llambat kushtojnë 200-400 mijë euro.
“E kemi të nevojshme sepse një pjesë të stadiumit nuk e zë dielli, pjesën jugore, çka sjelle edhe qe bari te mos rritet dot. Me bar hibrid nuk i kemi mundesitë prandaj do blejmë llampa. Kushtojneë nga 200-400 mije euro, varet sa llampa do vendosen kur të shohi kompania stadiumin, por janë të nevojshme për fushën.”- tha Dervishaj.
(M.Q/Faxweb.al)
