Eklipsi i plotë do të bëhet në mbrëmje në datën 5 Qershor në gradën e 15 të Shigjetarit dhe do të ndikojë më së shumti tek Binjakët, Virgjeresha, Peshqit dhe Shigjetari. Gjërat do të duken të paqëndrueshme dhe kundërshtimi që vjen nga Marsi në Peshk tregon luftën dhe frikën me armikun e padukshëm. Shigjetari është shenja e përhapjes së lirisë dhe horizonteve të reja që i jep një ngjyrim të veçantë këtij eklipsi hënor.
Ja si do të ndikojë tek të gjitha shenjat e zodiakut sipas astrologes Meri Shehu.
Dashi – Shenja juaj do përjetojë një moment të fuqishëm ndriçimi në lidhje me horizonte të reja, mundësi të reja, udhëtime, studime dhe kontakte të rëndësishme. Kujdes nga kundërshtarët.
Demi – Do hapet përpara jush e gjithë fushëpamja e çështjeve ekonomike e personale që kanë qenë të kushtëzuara. Ndoshta do fitoni gjithçka por ndoshta mund të jetë thjesht një ëndërr e bukur.
Binjakët – Në fushën e marrëdhënieve do ketë situata të fuqishme, ndarje e sqarime por që në disa raste do ta keni kuptuar me vonesë që keni qenë mashtruar e tradhtuar apo anasjelltas.
Gaforrja – Çështje të përditshmërisë, shëndetit dhe punës do jenë në qendër të vëmendjes duke ju kujtuar që jo cdo punë apo veprimtari e kësaj periudhe është e duhura.
Luani – Dashuritë e mëdha meritojnë momente të mëdha dhe funde të mëdha. Përpiquni ti jepni fund me hijeshi një marrëdhënie të gënjeshtërt.
Virgjeresha – Një marrëdhënie familjare apo një biznes familjar do ketë një lloj problemi apo do kuptoni një mashtrim apo tradhti e cila ju ka bërë të jetoni një mashtrim.
Peshorja – Një ide e re dhe një plan i ri por me mundësi dhe me një filozofi të re do ju bëjë ta kaloni lumin e pengesave. Përndryshe do jeni shumë të zhgënjyer me veten.
Akrepi – Një çështje ekonomike duhet të përmirësohet me patjetër. Ka ardhur momenti të dini të menaxhoni më mirë punët dhe mundësitë apo talentet tuaja.
Shigjetari – Eklips hënor në shenjën tuaj dhe ju do përfaqësoni një emocion të madh në jetën tuaj dhe të të tjerëve me prezencën apo bashkëpunimet tuaja.
Bricjapi – Shumë psikologjikisht të mbyllur dhe melankolik do ju gjejë eklipsi hënor. Nuk është momenti të mbylleni por të frymëzoheni dhe të deklaroni ndjenjat tuaja.
Ujori – Jeta juaj sociale ka nevojë për një reklamim dhe bum të madh. Merreni këtë mundësi me hënën e plotë në Shigjetar dhe bëjeni sukses.
Peshqit – Karriera dhe jeta personale do ngrihen në rangun e një profeti të madh për ju. Ndërkohë besimi juaj duhet të ndryshojë që ky profet të bëjë mrekulli.(A.M/Faxweb.al)
Discussion about this post