Kryeministri Edi Rama gjatë një interviste në “Open”, i pyetur nëse do të shkojë vendi në zgjedhje të parakohshme, nëse nuk hapen negociatat, kryeministri u shpreh se kjo nuk do të ndodhë, pasi sipas tij rasti i Maqedonisë së Veriut ndryshon nga Shqipëria.
Vasili: Kryeministri Zoran Zaev ka deklaruar se nëse nuk hapen negociatat në Maqedoninë e Veriut do të shkohet në zgjedhje të parakohshme, po ju keni menduar?
Rama: “Maqedonia e Veriut ka ndryshuar emrin dhe ka bërë gjithçka që kanë kërkuar ata, për ata, duke bërë këtë sakrificë për BE-ne, i ka kërkuar popullit do të shkojë në referendum, jemi në një kontekst tjetër.
Nuk do të shkojmë në zgjedhje të parakohshme, do të vijojmë me intensitet punën tonë. Dielli do të lindë përsëri dhe ne do të vazhdojmë të bëjmë punën tonë.
Jo Shqipëria nuk ka pse të shkojë në zgjedhje të parakohshme. Nëse do të zgjidhnin problemin midis Francës dhe Gjermanisë unë do ta mendoja seriozisht, por kjo nuk e zgjidhim dot.”
(M.Q/Faxweb.al)
Discussion about this post