Presidenti i skuadrës së Interit, Steven Zhang ka folur mbi mundësinë që ka Mauro Icardi për tu larguar nga klubi zikaltër ku tha se nuk do ta shesë kurrë Icardin tek Juventusi.
Në një intervistë presidenti Zhang tha: “Nuk do të shesim kurrë Icardin te Juventusi. Besoj se Mauro do të mbetet te ne dhe do të rritet bashkë me skuadrën. Synimi ynë është që të ndihmojmë të rritet Interi, por edhe futbolli italian e ai botëror, ndaj jemi të interesuar që të mbajmë futbollistët tanë më të mirë. Shumë shpejt do të ketë edhe një ofertë rinovimi për Mauro Icardin”.
Çështja Icardi është shndërruar në një temë për futbollin italian, por edhe atë evropian ku është përfolur shumë nga mediat për një kalim të mundshëm të tij tek skuadra e Juventusit.
Para pak ditësh, drejtuesit e Interit morën vendim që ti heqin atij shiritin e kapitenit të skuadrës, ku tani kapiteni i ri i zikaltërve do të jetë portieri Samir Handanoviç.
Discussion about this post