Kryeministri Edi Rama tha se Shqipëria nuk do ta rrisë buxhetin për mbrojtjen, dhe kjo kërkesë nuk i është bërë në samitin e NATO-s që u mbajt në Spanjë.
Sipas Ramës Shqipëria nuk ka mundësi që të shtojë buxhet për mbrojtjen, përtej parashikimee të saj, ndërsa shtoi se shpreson që të marrë fonde nga NATO për postin ushtarak, si dhe për mbrojtjen kibernetike.
“Ne jemi brenda parametrave për të qenë të angazhuar, nuk do të rrisim asnjë qindarkë më shumë buxhetin për mbrojtjen, të tjerët që janë më të pasur se ne mund ta bëjnë këtë.
Ne i përshëndesim ata për vendimet e tyre, ne do ta rrisim buxhetin sipas pritshmërive tona.
Shpresojmë që ti marrim NATO ca fonde, për të realizuar ëndrrën e portit ushtarak të NATO-s, si dhe ca fonde të tjera për mbrojtjen kibernetike.
Ne do të angazhohemi qindarkë për qindarkë, duke qenë korrekt me angazhimet që kemi ndërmarrë. Kanë dalë disa që do mbrojmë botën, ne këtu jemi në këtë pikë’, u shpreh Rama gjatë konferencës me gazetarët.
(E.K/Faxweb.al)
