Ish-Kryeministri Sali Berisha ka mohuar mbrëmjen e sotme zërat se është ai personi që ka promovuar dhe mbështetur Lulzim Bashën për të marrë kreun e PD-së.
Duke folur në Opinion, pas vendimit të Bashës për ta përjashtuar nga PD, Sali Berisha u shpreh se Lulzim Bashën në krye të PD-së e kanë zgjedhur anëtarët me një garë të hapur.
Më tej, lideri historik i PD-së u shpreh tepër i zhgënjyer për këtë vendim të Bashës, që sipas tij i ka dhënë goditje pluralizmit të Shqipërisë.
Mbrëmjen e sotme, Lulzim Basha përjashtoi Sali Berishën nga grupi parlamentar i Partisë Demokratike, për shkak të vendimit të DASH për ta shpallur non-grata. Ky vendim nuk u prit mirë nga Berisha.
Pjesë nga biseda në Opinion:
A do të shkoni në parlament ?
Berisha: -Padiskutim.
Si do të ndihesh vetëm?
Berisha: -Do të mbroj pluralizmin e vërtetë. Me vendimin që mori Basha i dha shkelmim pluralizmit të Shqipërisë. E ktheu në pluralizëm fasadë.
A je ndier i zhgënjyer që e mbështete Lulzim Bashën?
Berisha -Absolutisht nuk e zgjodha. E zgjodhën anëtarët e PD-së në një garë të hapur. Por për vendimin e tij të sotëm ai i ka dhënë goditjen më të rëndë për interesa të veta vendit, PD-së dhe pluralizmit të Shqipërisë. Do bëj gjithccka për rivendosjen e sovranitetit të PD-së, rikthimin e saj në ato parime që i shkelmoi sot në mënyrë të paimagjinueshme Lulzim Basha dhe pa të cilat forca politike është fasadë opozitë.
Lulzim Basha përjashton nga grupi parlamentar i Partisë Demokratike Sali Berishën
(E.H/Faxweb.al)
