A u mbajt i fshehtë aksidenti i autobusit të FRESSH në Memaliaj?

Autobusi i Forumit Rinor Euro-socialist shqiptar u përfshi ditën e djeshme në një aksident automobilistik në aksin nacional Tepelenë-Memaliaj.

Të rinjtë socialistë shkonin në drejtim të Tiranës me rastin e 25-vjetorit të themelimit të FRESSH.

Por, çuditërisht, policia e ka mbajtur të fshehtë aksidentin përreth 24 orë.

Sipas një mesazhi të mbërritur në një portal lokal, nga një dëshmitar okular i aksidentit, thuhet:

“Dje ishte 25 vjetori i FRESSH. Të rinjtë e FRESSH nga e gjithë Shqipëria ishin mbledhur në Tiranë.
Po ashtu edhe të rinjtë e Sarandës ishin nisur herët në mëngjes në drejtim të Tiranës.
Të gjithë të rinjtëpostuan foto dhe video nga aktiviteti por asnjë postim për aksidentin që u ndodhi në Memaliaj. Autobusi me aktivistë perplasi një makinë ku udhëtonte një familje 4-anëtarëshe.
Prindërit dhe dy fëmijë të mitur, ndërsa shoferi i saj mbeti i plagosur rëndë”.

I plagosuri është shtetasi me iniciale A.B, vjeç 36, banues në Lezhë, i cili u dërgua menjëherë në spital.

Në lidhje me ngjarjen në fjalë, policia ka reaguar vetëm 24 orë më pas, pavarësisht se aksidenti ndodhi në një aks rrugor nacional… (A.R/SHUPLAKA)