Një sulm terrorist goditi ditën e djeshme kryeqytetin anglez. Kjo ngjarje e rëndë është publikuar dhe komentuar së shumti.
Në shenjë solidariteti me viktimat e sulmit terrorist, të cilët deri tani raportohet se janë pesë, ka reaguar edhe këngëtarja e famshme britanike, Adele.
Për një moment, ajo ka ndërprerë performancën në koncertin e saj në Auckland të Zelandës së Re, për të nderuar viktimat, të cilëve u ka kushtuar këngën “Make You me fell my love”.
“Sot u shënua një sulm terrorist. Është e çuditshme ndjesia e të mos qënit në shtëpi në një moment të tillë. Dua të jem në shtëpi me miqtë dhe familjarët e mi. Të gjithë janë mirë, por jo katër persona. Le t’u dedikojmë një këngë atyure”, është shprehur ajo gjatë performancës së djeshme.
Teksa ajo këndonte, i gjithë stadiumi u mbush me drita në përkujtim të viktimave të sulmit terrorist në Londër.
(XH.A/SHUPLAKA)
Discussion about this post