Përfundon seanca për Adriatik Llallën, gjykata shtyn për në nëntor shqyrtimin e dosjes. Avokati kërkoi kryerjen e disa hetimeve të tjera dhe gjykata vendosi plotësimin e hetimeve. Seanca e radhës do të mbahet në Nëntor.
Ka qenë gjyqtarja Irena Gjoka ajo që vendosi të pranojë kërkesën e avokatiti të Llallës për shtyrjen e seancës paraprake. Sipas GJKKO hetimet e bëra nga SPAK nuk kanë qenë të plota dhe për këtë arsye është kthyer dosja për të çuar deri në fund hetimin ndaj Llallës.
Kujtojmë se Llallës i është njoftuar akuza për kryerjen e veprës penale: ‘Refuzimi për deklarimin, mosdeklarimi, fshehja ose deklarimi i rremë i pasurive, interesave private të personave të zgjedhur dhe nëpunësve publikë ose i çdo personi tjetër që ka detyrimin ligjor për deklarim’, të kryer tre herë, të parashikuar nga neni 257/a, paragrafi (2) i Kodit Penal.
Gjatë hetimeve 2 vjeçare nga ana e SPAK, për shkak të funksionit që ka mbajtur si Prokuror i Përgjithshëm, rezulton se Lalla kur ka qenë në krye të detyrës ka bërë një udhëtim në Gjermani në të cilin nuk ka deklaruar një shumë të madhe parash, të cilën e ka përdorur për të shkolluar të bijën.
Aktualisht Llalla vijon të hetohet për mosdeklarim të ardhurash, ndërsa më herët mbi të rëndonin akuzat për shpërdorim detyre, korrupsion dhe pastrim parash.
Discussion about this post