Përfaqësuesja e Komisionit Qendror të Zgjedhjeve, Drilona Hoxha, ka hedhur poshtë pretendimet e Partisë Demokratike se afati për regjistrimin e listave të kandidatëve ka përfunduar mesnatën e djeshme.
Në një deklaratë për mediat, ajo u shpreh në emër të KQZ-së se afati përfundon sot në orën 00:00. KQZ sqaron se afati 50 ditë përpara ditës së zgjedhjeve korrespondon me datën e sotme, 29 prill 2017.
“Bazuar në praktikën shumëvjeçare të KQZ-së, afati 50 ditë para datës së zgjedhjeve korrespondon me datën 29 prill. Partitë politike duhet të dorëzojnë listat jo më vonë se 50 ditë. Ky afat përllogaritet duke përjashtuar datën e zgjedhjeve. Afati skadon sot në orën 00:00.
Kjo praktikë është zbatuar edhe në lidhje me përcaktimin e datës 10 prill apo të datës 19 prill si data e fundit për regjistrimin e koalicioneve. Data 29 prill është e deklaruar prej kohësh dhe e pranuar nga të gjitha forcat politike, disa prej të cilave kanë përfaqësues në KQZ.”, u shpreh ajo ndër të tjera.
“Mbrëmë në mesnatë ka skaduar afati i fundit në KQZ. Bëhet fjalë për partinë e Edi Ramës dhe Ilir Metës, partitë e pushtetit, me këtë rast, në këtë moment është asgjësuar 18 qershori si një datë ligjore për zgjedhje në Republikën e Shqipërisë!”, u shpreh sot nga çadra Basha, pretendim i deklaruar edhe nga Bylykbashi në njoftimin e tij para KQZ-së.
(XH.A/SHUPLAKA)
Discussion about this post