Pas deklaratës së djeshme të deputetit Alfred Peza, i cili u shfaq para kamerave i pakënaqur me ish-kolegët e tij gazetarë, pasi askush nuk e kishte kontaktuar për të mësuar të vërtetën e 1 miliard lekëve që shërbyen për blerjen e aksioneve në një bankë të nivelit të dytë nga bashkëshortja e tij, sot është një gazetar i vjetër në Shqipëri, i cili komenton deklaratat e djeshme të parlamentarit socialist.
Agim Xhafka, në një koment me titull “E kam zili Fredin”, shkruan ndër të tjera se, “E kam zili sepse ai është një gazetar i paguar mijra e mijra euro nga gazeta që nuk fitonin as qindra euro. Që nuk shisnin as dhjetra copë në ditë. Pra paguhej ose me para nga krimi, ose nga vjedhja, ose nga droga, ose nga para të zeza, të pista. Ose nga grupe që ngrinin gazeta e televizione për të zhvatur lekë publike. Në se gjendet shpjegim tjetër do jetë çudia e tetë e globit”.
Shkrimi i plotë i Agim Xhafkës:
E KAM ZILI FREDIN
Para dy ditësh,duke dashur të justifikojë grumbullimin e një milion dollarëve Fred Peza tha se sulmi ndaj tij bëhet se e kanë zili.
Unë nuk hyj tek sulmuesit,por në fakt e kam zili këtë bankier të ri.
Sepse ai është një gazetar i paguar mijra e mijra euro nga gazeta që nuk fitonin as qindra euro. Që nuk shisnin as dhjetra copë në dite.Pra paguhej ose me para nga krimi,ose nga vjedhja,ose nga droga,ose nga para të zeza,të pista. Ose nga grupe që ngrinin gazeta e tv për të zhvatur lekë publike.Në se gjendet shpjegim tjetër do jetë çudia e tetë e globit.
Sepse ai ,ushtaraku i artilerisë, u bë shembulli i një gazetarie që nuk prodhon,por që shërben. Që nuk merakoset nga vijnë paratë e rrogës së tij.
Sepse,një njeri i pashkolluar për media u bë drejtues i mjaft gazetave e emisioneve me nivel mjeran. Që nuk ndiqej se ishin tv lokale,por që ai vetë paguhej sikur punonte ne CNN.
Sepse,u bë deputet pa qënë fare në parti e u rrëmbeu karrieren mjaft e mjaft të rinjve.
Sepse gënjeu një popull të tërë për “Shkumbini Channel”, për stadiume e per marrina pa fund. Madje në prani të kryetarit e nuk iu dridh fare qerpiku,por zgërdhiheshin me peqinaset e përvuajtur e të lënë rrugëve.
Pra, Fred të kam shumë zili. Po të isha i ri e po të bëja një çun do ia vija emrin Alfred. Që të kishte fatin tënd e të bëhej i pasur si ti…
“Është beteja e ziliqarëve për paratë e mia. Zilia është njerëzore dhe unë i kuptoj të gjithë ziliqarët për paratë e mia, por nuk i justifikoj dot sepse është bërë një betejë. Ju mund të më kishit kontaktuar, kolegun tuaj, askush nuk I ka dërguar një sms unë si gazetar i vjetër, do ju kisha pritur se kisha bërë gati edhe dokumentat. Mirela Ndini, bashkëshortja ime është që nga viti 2014 pjesë e deklarimit të pasurisë, jua kisha bërë gati. Pse nuk erdhi asnjë gazetar, asnjë kolegu im?”, deklaroi dje deputeti i PS-së Alfred Peza. (A.R/SHUPLAKA)
Discussion about this post