Sekretari i Përgjithshëm i Partisë Demokratike Gazment Bardhi i ka dërguar një letër Komisioni Qendror të Zgjedhjeve ku i kërkon heqjen e mandatit kryebashkiakut të Matit Agron Malajt.
Këkresa e PD-së vjen vetëm pak ditë pasi Prokuroria pushoi çështjen në ngarkim të tij, duke ia lënë vendimin përfundmitar KQZ-së.
Partia Demokratike ka ritheksuar nevojën e zbatimit të ligjit nga Komisioni Qendror i Zgjedhjeve për të garantuar funksionimin demokratik të insitucioneve, ndërkohë që në dijeni është vënë edhe ambasadorja e SHBA-së dhe ambasadori i BE-së.
Partia Demokratike kërkoi heqjen e mandatit të kryebashkiakut të Matit Agron Malaj, për të cilin prokuroria konfirmoi se është dënuar me vendim të formës së prerë për veprën penale ‘armëmbajtje pa leje’.
Prokuroria e Përgjithshme, pas disa muajsh verifikimesh për kryetarin e Bashkisë së Matit, Artur Malaj, ish-gardistin e 21 janarit, i ka përfunduar ato. Rezultatet e punës sipas Prokurorisë së Përgjithshme, u kanë kaluar institucioneve të tjera përgjegjëse, ndërsa nuk është regjistruar procedim penal për të.
Kryebashkiaku i Matit u kontestua fuqishëm nga opozita pas zgjedhjes së tij në zgjedhjet njëpartike të 30 qershorit edhe pse ishte proceduar më parë për ‘armëmbajtje pa leje’. Agron Malaj ishte në grupin e gardistëve që ishin në mbrojtjen e Kryeministrisë gjatë protestës së 21 janarit ku mbetën të vdekur 4 protestues.
Në një reagim në Facebook në fillim të këtij viti Malaj u shpreh se ai kishte refuzuar të ishte pjesë e ‘grupit të zjarrit’ në ngjarjet e 21 janarit dhe se emri i tij nuk duhej të lidhej me atë ngjarje.
