Pas largimit të Agron Tufës, bordi i Institutit për Studimin e Krimeve të Komunizmit ka votuar kryetarin e ri. Sipas informacioneve, bordi i ISKK ka votuar me pesë vota pro për historianin Çelo Hoxha.
Ky i fundit do të jetë tani në krye të ISKK, pas dorëheqjes së Tufës për të kërkuar azil politik në Zvicër.
Agron Tufa u largua pas kërcënimeve dhe sulmeve që mori nga deputeti i PS, Spartak Braho, por jo vetëm.
Në letrën e tij të dorëheqjes, ai u shpreh se është vënë në qendër të sulmeve pa të drejtë, ndërsa theksoi se e kërcënuar është edhe familja e tij.
(M. I./ Faxweb.al)
