Kreu i Institutit të Studimeve për Krimet e Komunizmit, Agron Tufa ka dorëzuar sot në prokurori padinë penale ndaj disa personave publik që kanë hedhur akuza ndaj tij ditët e fundit.
Midis këtyre personave sipas Tufës janë, deputeti Spartak Braho, Sabit Brokaj, Sevo dhe Fatos Tarifa, Arben Duka dhe Gazeta Dita “e cila ka qenë streh dhe është bërë pistë e pilotimit ndaj atentatit ndaj meje”.
“Jam njeri publik por nuk jam anëtar i asnjë partie politike. Akuzat ndaj meje po bëhen për shkak të detyrës dhe hulumtimeve të institucionit që drejtoj mbi krimet e komunizmit ku figuron edhe Braho. Kjo është bërë nga segmente me prirje komuniste që duan të rikthejnë diktaturën.
Kërkoj nga drejtësia që këta ti vendos përpara përgjegjësisë për gjithçka që kanë thënë si edhe të ndoshkojë frymeën përçarëse dhe racore që përhapin. Ka patur presione në të gjitha mënyrat e mundshme. Nuk është detyra ime të zbardh akuzat e tyre por ia kam lënë në dorë drejtësisë. Kam një detyrë të ngarkuar dhe një familje të madhe për të mbajtur”, deklaroi Tufa.
Kujtojmë se prej disa ditësh ditësh ka nisur një debat publik mes deputetit socialist Spartak Braho dhe kreut të Institutit të Studimeve për Krimet dhe Pasojat e Komunizmit, shkrimtarit Agron Tufa.
Braho ka kërkuar largimin e Tufës nga institicioni i cili drejton, pasi sipas tij shkrimtari po e kthen në një Institucion të Ballit Kombëtar. (Lexo këtu).
(F.GJ/FAXWEB.AL)
Discussion about this post