Ministri i Financave, Arben Ahmetaj, ishte i pranishëm në prezantimin e projektit për modelimin e këpucëve, në të cilin marrin pjesë disa kompani.
Në fjalën e tij, ai u shpreh se ky projekt në thelb është një përpjekje për të rritur punësimin, për të na bërë që të jemi konkurrentë në tregun global.
Ai vlerësoi se janë bërë rreth 17 milionë euro në vit eksportime, ndërkohë që në katër vite Qeveria shqiptare ka punuar për t’i kthyer vendit rritjen ekonimike.
“3.7% në 2017 është objektivi ynë, detyra jonë është t’i mbështesim këto iniciative në favor të punësimit. Shqipëria ka një sfidë përpar,a e ka me pritshmërinë. Reforma në drejtësi ka shumë të bëjë me ekonominë. Si mund të investojnë të huajt në një vend ku nuk ka drejtësi? Më besoni se Vettingu është shumë i lidhur me punësimin.”, është shprehur ai në Takimin Kombëtar të Dizenjuesve të Rinj shqiptarë. (XH.A/SHUPLAKA)
