Aksident me vdekje në Lushnje, makina përplas këmbësorin

Një aksident me pasojë vdekjen ka ndodhur mesditën e sotme tek Tre Urat në Lushnje.

Një automjet ka përplasur për vdekje një person, identiteti i të cilit ende nuk dihet.

Pavarësisht se ambulanca ka mbërritur në vendin e ngjarjes, nuk ka pasur asnjë mundësi për të mbajtur në jetë personin e aksidentuar.

Nuk dihen ende rrethanat e mëtejshme të këtij aksidenti, ndërsa mësohet se drejtuesi i mjetit që ka shkaktuar aksidentin është larguar me shpejtësi nga vendngjarja.