Një aksident rrugor është shënuar mesditën e sotme rreth orës 12:30, në autostradën Lezhë – Milot në vendin e quajtur Kryqëzini i Spitenit ku një mjet tip “Opel” me drejtues shtetasin Z.M. 72 vjeç ka aksidentuar një këmbësor L.N. 70 vjeçe.
Pas aksidentit 70 vjeçarja është dërguar në spitalin e Lezhës për të marrë kujdes mjekësor.
Ndërkohë policia ka shoqëruar drejtuesin e mjetit në ambientet e Policisë, si dhe po kryen hetime të mëtejshme sqarimin e plotë të rrethanave të aksidentit.
Raporti i policisë:
Lezhë – Informacion paraprak
Sot, rreth orës 12:30, në autostraden Lezhë – Milot, në vendin e quajtur Kryqezini i Spitenit, shtetasi Z.M. 72 vjeç, duke drejtuar mjetin e tij tip Opel, ka aksidentuar shtetasen këmbësore L.N 70 vjeçe, e cila është dërguar në spitalin e Lezhës dhe ndodhet nën kujdesin mjekësor.
Drejtuesi i mjetit është shoqëruar në ambientet e Policisë, për veprime të mëtejshme hetimore proçedurale.
Grupi hetimor nën drejtimin e Prokurorisë pranë Gjykatës Shkallës Parë Lezhë, po kryejnë veprimet në vendngjarje për sqarimin e plotë të rrethanave të aksidentit.
Discussion about this post