Një aksident është shënuar pasditen e sotme në qytetin e Vlorës, ku një 35-vjeçar ka përplasur tre automjete të parkuara.
Ngjarja ka ndodhurrreth orës 17:00 në aksin rrugor të Bulevardit Ismail Qemali pranë ish-shkollës industrial.
Si pasojë e këtij aksidenti, ka mbetur i plagosur vetë 35-vjeçari me inicialet E.M i cili ndodhet në spitalin rajonal të Vlorës, fatmirësisht jashtë rrezikut për jetën.
“Automjeti tip ”Mercedes Benz” me targa AA 100 RB, ka përplasur tre automjete të tjera,të cilat kanë qënë të parkuara. Konkretisht mjetet tip: ”Skoda” me targa AA 042 EZ, mjetin ”Mercedes Benz” me targa VA0775AB, dhe mjetin tip ”Opel” me targa BA248DB. Për pasojë ka mbetur i dëmtuar vetë drejtuesi i mjetit, shtetasi E.M, 35 vjeç, i cili është transportuar në Spitalin Rajonal Vlorë, dhe gjendet jashtë rrezikut për jetën”, njofton policia.
Ndërkohë bardhëeblutë kanë nisur hetimet dhe po punojnë për zbardhjen e detajeve të tjera të ngjarjes. (D.D/Shuplaka)
