Zjarret në Finiq dhe Dropull, Dule: Politika të mbrapshta ndaj minoritetit

Kreu i PBDNJ-së Vangjel Dule ka reaguar lidhur me zjarret që prej disa ditësh kanë rënë në bashkitë e Finiqit dhe Dropullit.

Dule shprehet se prej një jave bashkitë Dropull dhe Finiq janë lënë në mëshirë të zjarreve ndërsa kujton edhe mungesën energjisë elektrike dhe ujit, që janë jetike për banorët.

Kreu i PBDNJ-së fajëson politikën lidhur me situatën, duke nënkuptuar qeverinë e Edi Ramës.

 “Prej një jave Bashkitë Dropull dhe Finiq në meshirën e zjarreve. Ndërprerjet e energjisë elektrike shumëorëshe. Uji i pijshëm me pikatore. Thjesht pasojë e mungesës totale kapacitetesh, apo politika të mprapshta të mirëmenduara ndaj pjesëtarëve të minoritetit këto ditë festash?”, shkruan Dule.

Për të përballuar situatën e zjarreve janë sjellë edhe 2 avionë nga Greqia për të shuar flakët dhe deri ditën e djeshme janë djegur rreth 500 ha nga të cilat 150 ha tokë private dhe tjetra kullotë.

(D.D/Shuplaka)