Aksident i rëndë në Berat, plagosen dy persona

Një aksident i rëndë ka ndodhur mëngjesin e sotëm në Berat, në vendin e quajtur ‘’Varrezat e Dëshmorëve”.

Për pasojë kanë mbetur të plagosur dy persona, njëri 25 vjeç dhe tjetri 55 vjeç.

DETAJET E POLICISË:

Më datë 15.01.2018 rreth orës 09:30, Salla Operative është njoftuar se në rrugën Antipatrea në afërsi të vendit të quajtur “Varrezat e Dëshmorve” ka ndodhur një aksident.

Menjëherë në vendngjarje mbrritën shërbimet e policisë ku konstatuan se shtetasi E.P, 35 vjeç, banues në Tiranë, duke drejtuar mjetin me targa AA614MD, ka përplasur shtetasit K.K, 55 vjeç, dhe E.E, 25 vjeç.

Të dy të dëmtuarit janë dërguar në Spitalin Rajonal Berat ku po marrin ndihmë mjeksore.

Drejtuesi mjetit është shoqëruar në ambjentet e Komisariatit Berat për veprime të mëtejshme. Grupi hetimor po punon për zbardhjen e plotë të rrethanave të ngjarjes.

(E.K/FAXWEB)