Policia e Korçës ka arrestuar drejtuesin e automjetit që u aksidentua mëngjesin e sotëm në afërsi të fshatit Zvezdë.
Në pranga ka rënë shtetasi Qazim Tafa, 47 vjeç, banues në Elbasan, i cili akuzohet për veprën penale “Shkelja e rregullave të qarkullimit rrugor”.
Ky i fundit duke drejtuar automjetin tip “Nissan” me targa greke ka dalë nga rruga.
Si pasojë e aksidentit, janë lënduar drejtuesi i mjetit dhe 4 pasagjerë, banues në Cërrik dhe Gramsh. Të plagosurit janë transportuar në Spitalin e Korçës për të marrë ndihmën e nevojshme mjekësore.
Nga burime spitalore, mësohet se shtetasi me inicialet B.T, ndodhet në gjendje më të rëndë shëndetësore.
Policia po heton rrethanat e aksidentit për zbardhjen e plotë të ngjarjes. (M.D/Shuplaka)
