Një ngjarje e aksident ka ndodhur në aksin rrugor Shkodër Hani i Hotit. Gjeladin Ivziku, 66-vjeç ka humbur jetën pasi një automjet tip Ford e ka përplasur për vdekje në fshatin Vrakë.
Drejtuesi i mjetit shtetasi Emiljano Zeneli 35 vjeç, banues në Malësi e Madhe po shoqërohet në polici.
Informacion Paraprak
Me datë 05.01.2018 reth orës 18.05 ka ardhur një telefonatë në sallën operative se në aksin rrugor Shkodër – Koplik, në vendin quajtur Ura Vrakës ka ndodhur aksident rrugor me pasojë vdekjen.
Menjëherë kanë shkuar shërbimet e policisë ku kanë konstatuar se një mjet tip Ford ka përplasur një këmbësor, shtetasin Gj. I. 66 vjeç banues në fshatin Shtoj Ri, i cili ka gjetur vdekjen e menjëhershme dhe do transportohet në Morgun e Spitalit Rajonal Shkodër.
Drejtuesi i mjetit shtetasi Emiljano Zeneli 35 vjeç, banues në Malësi e Madhe po shoqërohet në ambjentet e D. V. P. Shkodër për veprime të mëtejshme.
Në vendngjarje ndodhet grupi hetimor ku po kryhen veprimet për sqarimin e rrethanave të aksidentit. (B.H/Faxweb)
Discussion about this post