“Sputnik” ka bërë së fundmi të ditur se është gjetur njëra prej kutive të zeza të avionit ushtarak rus, i cili u fundos pak ditë më parë në Detin e Zi.
Duke cituar Ministrinë vendase të Mbrojtjes, media ruse bën të ditur se kutia e zezë e gjetur në Detin e Zi, do të dorëzohet në Moskë për deshifrim.
“Kutia e zezë u gjet 1.600 metra nga bregu, në një thellësi prej 17 metrash. Do të dërgohet për deshifrim në Institutin Qendror Kërkimor në Lyubertsy.”, bëri me dije ministria.
Avioni Tu-154 me 92 persona në bord ishte nisur nga Sochi drejt Sirisë, por u rëzua menjëherë pas ngritjes, duke shkaktuar aksidentin tragjik. (XH.A/SHUPLAKA)
Discussion about this post