Tre drejtues mjeti të përfshirë në një aksident në aksin rrugor Korçë-Bilisht ku mbetën të plagosur tre persona, janë vënë në prangat e policisë. Bëhet me dije se dy prej të ndaluarve që drejtonin traktorët respektivë, nuk disponin leje drejtimi.
Si pasojë e përplasjes së një automjeti tip “Mercedes Benz” me dy traktorë, janë plagosur njëri prej drejtuesve të mjeteve, shtetasi Vasil Nunka dhe dy persona të tjerë me inicialet I. B 40 vjeç dhe M. R. 47 vjeç, jashtë rrezikut për jetën.
Njoftimi i Policisë së Korçës
Specialistët e Sektorit për Qarkullimin Rrugor në Korçë, bënë kapjen dhe arrestimin në flagrancë të shtetasve :
- Klevis Liçi , 26 vjeç, banues në fshatin Pojan-Maliq, drejtues i automjetit tip “Mercedes-Benz”me targë AA 534 LV.
- Vasil Nunka, 48 vjeç banues në fshatin Dishnicë-Korçë, i papajisur me leje drejtimi, drejtues i një mjeti tip traktor, pa targa.
- Veis Kodra, 48 vjeç banues në fshatin Dishnicë-Korçë, i papajisur me leje drejtimi, drejtues i mjeti tip traktor, pa targa.
Pasi më datë 25.12.2016, këta shtetas duke drejtuar mjetet e tyre respektive, në aksin rrugor Korçë – Bilisht, janë përfshirë në një aksident automobilistik.Për pasojë janë aksidentuar shtetasit: M.R, 47 vjeç, (i cili u transportua në Tiranë për mjekim më të specializuar) shtetasi I.B, 40 vjeç, dhe Vasil Nunka, të cilët ndodhen në Spital jashtë rrezikut për jetën.
Materialet në ngarkim të tyre i kaluan Prokurorisë të Rrethit Gjyqësor Korçë për veprat penale : “Shkelje e rregullave të qarkullimit rrugor” dhe “Drejtim i mjetit në mënyrë të parregullt” parashikuar nga nenet 290 e 291 të Kodit Penal.
(XH.A/SHUPLAKA)
Discussion about this post