Në Inspektoriatin Vendor të Mbrojtjes së Territorit në Bashkinë e Kurbinit është zhvilluar një aksion policor në lidhje me shkeljet e kryera nga zyrtarët në këtë institucion. Sipas informacioneve mësohet se në këtë aksion është arrestuar drejtori ndërsa janë pezulluar të gjithë inspektorët e tjere.
Ndër të tjera mësohet se shkak për këtë aksion janë bërë ndërtimet pa leje në zonën e Patokut dhe marrja e inerteve në mënyrë të paligjshme në lumin Mat.
Sipas prokurorisë zyrtarët kanë shpërdoruar detyrën duke mos vepruar për të ndaluar ndërtimet pa leje dhe shfrytëzimin e inerteve të lumit Mat.
Gjithashtu mësohet se në kuadër të këtyre hetimeve është vendosur masa e sigurisë arrest shtëpie për shtetasin Flor Gjinin, ish drejtor i IMVT të Lezhës i cili aktualisht është drejtor poste.
Ndërkohë vijon puna për dokumentimin e plotë të kësaj ngjarje dhe vënien para përgjegjësisë të të gjithë personave të tjerë përgjegjës në këtë veprimtari kriminale.
Discussion about this post