Në të gjithë vendin brenda dy javësh Autoriteti Kombëtar i Ushqimit (shkurt AKU) ka zhvilluar një kontroll në rreth 950 biznese. Sipas AKU-së, 220 biznese kanë rezultuar me probleme ndaj të cilave janë marrë masat administrative “Paralajmërim” dhe “Gjobë”. Inspektimi është bërë në subjekte të ndryshme (dyqane mishi, tregjet, zgara, Fast- Food-e, byrektore, dyqane ushqimore) ku janë vendosur edhe gjoba me vlerën prej 100.000 lekësh.
Në kryeqytet është bërë bllokimi i dy aktiviteteve të cilat tregtonin ushqime pa plotësuar kushtet. “Duke qenë se vijnë festat e fundvitit dhe rritet edhe konsumi, AKU u bën apel qytetarëve që të blejnë produkte të cialt kanë datën e skadencës dhe etiketën në gjuhën shqipe.”, thuhet në njotimin e AKU-së.
Ky autoritet do të shtojë kontrollet përgjatë festive të fundvitit.
