Në përfundim të konferencës për shtyp, ndër të tjera Drejtori i Përgjithshëm i Policisë së Shtetit, Haki Çako, u pyet edhe mbi akuzat për blerje të votave.
I referohemi këtu ndër të tjera konferencës për shtyp të kryetarit të LSI-së, Petrit Vasili, i cili u shpreh se “në terren ekzistonte një tension dhe një strategji kriminale, me bashkëautor Policinë e Shtetit”.
Lidhur me këto akuza, Çako deklaroi përpara gazetarëve se Policia e Shtetit ka qenë transparente si asnjëherë tjetër. Ai theksoi se mbarëvajtja e procesit dhe angazhimit të strukturave policore u monitorua edhe nga ndërkombëtarët.
“Policia e Shtetit ka qenë transparente si asnjëherë tjetër. Është monitoruar drejtpërsëdrejti nga shumë organizma ndërkombëtarë. Mungesa e rasteve të denoncuara në adresë të policisë shprehin më së qarti integritetin e policisë.
(XH.A/SHUPLAKA)
Discussion about this post