Gjykata e Beratit ka dhënë burg pa afat për drejtorin e gjimnazit ‘’Babë Dudë Karbunara’, Yzedin Hajdari. Ai akuzohet se ka ngacmuar seksualisht dy nga nxënëset e kësaj shkolle.
Vetë ai nuk i ka pranuar këto akuza duke thënë se ‘’nuk i kam ngacmuar dhe abuzuar me askënd’’, po mesa duket Gjykata nuk e ka marrë parasysh deklaratën e tij.
Dy nxënëset e vitit të dytë, emrat e të cilave nuk bëhen të ditura, kishin shkuar në zyrën e drejtorit për të biseduar për një provim që nuk e kishin kryer, pra e kishin të mbartur në lëndën e matematikës.
Drejtori i shkollës jep edhe lëndën e gjeografise dhe mesuesi u kishte dhënë mundësinë dy nxënëseve që të jepnin provimin e fundit që nuk e kishin kryer ende.
Këtu ato pretendojnë se janë ngacmuar seksualisht nga drejtori. Më pas ato kanë vënë në dijeni prindërit në lidhje me situatën, dhe menjëherë kanë bërë edhe kallëzim në Polici.
Drejtori i Drejtorisë Arsimore në qytetin e Beratit, ka thënë se pasi ka mësuar lajmin ditën e djeshme, ka pezulluar nga detyra drejtorin Yzedin Hajdaraj. (E.K/SHUPLAKA)
