Drejtor i kabinetit të kryetarit të PD-së Dorjan Teliti në një postim në Facebook, shkruan se pas 9 kushteve të Gjermanisë, ka ardhur një shuplakë edhe nga FMN.
Në postimin e tij, Teliti shkruan se PD e ka cilësuar prej kohësh si skema korrupsioni PPP-të dhe tashmë edhe FMN po bindet për këtë fakt.
Më tej, Teliti thotë se vjedhjet galopante ndaj pronës publike dhe korrupsionit të PPP-ve nga kjo qeveri janë kthyer në makth jo vetëm për investitorët vendas por edhe ata të huaj.
“Vjedhjet galopante ndaj pronës publike dhe korrupsioni i PPP nga kjo qeveri janë kthyer në makth jo vetëm për investitorët vendas por edhe ata të huaj.
Nxjerrja e vendit nga kriza ku e ka zhytur Edi Rama është emergjencë kombëtare.“
Gjithashtu, Teliti thekson se Partia Demokratike ka gati planin e shpëtimit dhe do të nisë ta implementojë atë që ditën e parë në qeverisje.
Postimi i plotë:
Pas 9 Kushteve të Gjermanise vjen edhe një shuplakë nga FMN.
PPP – luga e artë për oligarkët e qeverisë, që varfëroi Shqipërinë.
Alarmit të dhënë prej kohësh nga opozita për korrupsionin në PPP nuk i ka mjaftuar qeverisë, e cila prej 6 vitesh ka privatizuar dhe dhënë me koncesion cdo gjë që i ka dalë përpara.
Këtij shqetësimi iu bashkua, madje me thirrje urgjente, Fondi Monetar Ndërkombëtar, duke i kërkuar prej vitesh tashmë Ramës dhe qeverisë së tij të ndalojë me propozimet e pakërkuara për shërbimet dhe investimet publike.
Edhe sot, për të disatën herë, shefi i misionit të FMN për Shqipërinë, ka rithënë ekzaktësisht atë që opozita prej vitesh e ka ngritur shqetësim prioritar për ekonominë.
Thirrjet tona kanë rënë në vesh të shurdhër të qeverisë por jo të Fondit Monetar Ndërkombëtar, që i kërkon qeverisë të ndryshojë trajektoren e prioriteteve për investimet publike dhe që cdo proces prokurimi të jetë i hapur dhe konkurues.
Vjedhjet galopante ndaj pronës publike dhe korrupsioni i PPP nga kjo qeveri janë kthyer në makth jo vetëm për investitorët vendas por edhe ata të huaj.
Nxjerrja e vendit nga kriza ku e ka zhytur Edi Rama është emergjencë kombëtare.
Partia Demokratike ka gati planin e shpëtimit dhe do të nisë ta implementojë atë që ditën e parë në qeverisje.
Discussion about this post