Lideri i Vetëvendosjes, Albin Kurti, e ka gjykuar si pozitive futjen e Shqipërisë në NATO, por ai shprehet se është për të ardhur keq që nuk hyri si ushtri.
I ftuar në emisionion “Top Show”, ai ka rrëfyer se ka qenë në paradën e Ushtrisë shqiptare në Nëntor 2012 dhe ka mbetur i zhgënjyer nga ajo çka priste. Ai e krahason paradën e atij viti me atë të sfilatës së modës në “Milano Fashion Week”.
“Është për të ardhur mirë që Shqipëria hyri në Nato si territor, por është për të ardhur keq që nuk hyri si ushtri. Unë kam qenë në paradën e ushtrisë shqiptare në Nëntor 2012, të them të drejtën prisja një paradë ushtarake me raketa, me artileri, me armatim të rëndë e çfarë pashë ishin 12 lloje të uniformave, me automatik sikur rojhet e bankave, thua se ishte një sfilatë mode “Milano fashion Week” me uniforma të ndryshme.
Shumë të bukura ishin uniformat, por unë besoj se shqiptarët duhet të kenë një ushtri që të mos jetë më e forta në Ballkan, por të jetë e tillë që fqinjët grabitqarë dhe djallëzorë të mendohen dy herë përpara se të mësyjnë.”, është shprehur ai. (XH.A/SHUPLAKA)
Discussion about this post