Pas procesit ndaj Tom Doshit, Mark Frrokut dhe Durim Bamit, shtyhet edhe procesi gjyqësor ndaj ish-deputetit Alfred Peza. Mësohet se shkak është bërë mungesa e vetë Pezës si edhe e avokatit të tij në seancën gjyqësore.
Mësohet se Gjykata ka caktuar avokat kryesisht që të mos pengohet më procesi, ndërkohë që seanca e radhës pritet të zhvillohet më 25 shtator.
Sakaq, duke patur parasysh që Peza nuk është më deputet, Prokuroria kërkon që dosja të kalojë në Gjykatën e Tiranës. Kjo edhe për shkak se Gjykata e Lartë nuk merr dot vendim pa prezencën e të pandehurit ose avokatit.
Kujtojmë se ish- deputeti Peza hetohet në bazë të ligjit antimafia, për akuzat për “Fshehje e të ardhurave”, “Pastrimi të produkteve të veprës penale” dhe “Refuzimi për deklarim, mosdeklarim, fshehja ose deklarimi i rremë i pasurive”. (D.D/Shuplaka)
Discussion about this post