Kryetari i Bashkimit Demokrat për Integrim, Ali Ahmeti, ka bërë të qarta prioritetet e partisë së tij, ku Gjuha Shqipe mbetet prioritet kryesor.
“Ne nuk heqim dorë nga Gjuha Shqipe. BDI nuk ka interest që të hyjë në qeveri me çdo kusht. Mund të mbetemi në opozitë, po nuk u plotësuan kushtet tona. Gjuha Shqipe, integrimi në NATO dhe BE mbeten prioritetet tona.”, është shprehur Ali Ahmeti.
Këtë deklaratë, ai e bëri gjatë takimit që zhvilloi një ditë më parë me ambasadoren e Gjermanisë në Maqedoni, Kristinë Althauser.
Në takimin kokë më kokë u diskutua për gjendjen në vend dhe prospektet e krijimit të qeverisë së re pas zgjedhjeve. Nga ana e tij, kreu i BDI-së vlerësoi se zgjedhjet e 11 dhjetorit ishin të besueshme, demokratike dhe rezultati u pranua nga të gjithë. (XH.A/SHUPLAKA)
