Detaje interesante ka treguar këngëtarja e njohur Alida Hisku. E ftuar në emisionin “Kush vjen për drekë”, në Tv Klan këngëtarja shqiptare ka rrëfyer për përjashtimin nga skena muzikore se në atë kohë është ndjerë sikur e kanë larguar nga shtëpia.
“Jam rritur në skenë nga nëna ime e cila ka qenë në Teatrin e Operas. Në atë kohë na merrnin me vete për të mbushur skenën, por në të vërtetë ka qenë një ndjesi e veçantë. Skena pa publik ishte edhe si vend loje për ne fëmijët e artistëve në atë kohë.
Kur u përjashtova isha 23 vjeç dhe u ndjeva sikur më hoqën nga shtëpia. Skenën e përjetoj më shumë se gjithçka, duartrokitjet janë suksesi i një këngëtari. I jam mirënjohës publikut që edhe pa aktivitet artistik nuk më ka harruar”, tha Hisku. (J.V/Faxweb)
