Altin Dumani zgjidhet kreu i ri i SPAK

Pas një seance maratonë në Këshillin e Lartë të Prokurorisë, është zgjedhur kreu i ri i SPAK. Fituesi Altin Dumani mori 5 vota, Edvin Kondili 4 vota dhe Adnan Xholi 1 votë.

Dumani do të zëvendësojë në këtë post Arben Krajën.

Ky i fundit përmes një mesazhi në Twitter i i uroi sukses 3 kandidatëve duke shtuar se Prokuroria e Posaçme do vazhdojë të përmbushë detyrimet ligjore me efektivitet dhe më të lartë.

Më herët ambasadorja amerikane Yuri Kim, e pranishme në mbledhjen e KLP tha se zgjedhja e kreut të ri të SPAK është një moment i rëndësishëm si për reformën në drejtësi.

Votat sipas kandidatëve nga ana e anëtarëve të Këshillit të Lartë të Prokurorisë:

Për Altin Dumanin:

1. Bujar Sheshi
2. Zeqir Hoda
3. Ledina Riza
4. Eloida Goxhi
5. Arta Mandro

Për Edvin Kondilin votuan:

1. Alfred Balla
2. Tartar Bazaj
3. Nurihan Seiti
4. Mirela Bogdani

Për Adnan Xholin votoi:

Sokol Stojani