Ambasada Amerikane pas vizitës së John McCain: Theksoi rëndësinë e reformës në drejtësi

Ambasada e Shteteve të Bashkuara të Amerikës në Tiranë ka shkruar në faqen e saj zyrtare në ”Fb” pas ditës së ngarkuar të takimeve të senatorit amerikan John McCain me liderët kryesorë në vend.

“Senatori i SHBA John McCain vizitoi Shqipërinë të premten, ku theksoi partneritetin ushtarak SHBA-Shqipëri, rëndësinë e reformës në drejtësi në vend, si dhe përpjekjet për të mundur ISIS”, shkruhet në njoftimin e publikuar të ambasadës.

NJOFTIMI:

Senatori i SHBA John McCain vizitoi Shqipërinë të premten, ku theksoi partneritetin ushtarak SHBA-Shqipëri, rëndësinë e reformës në drejtësi në vend, si dhe përpjekjet për të mundur ISIS.
Senatori McCain, i cili shërben si kryetar i Komitetit të Senatit për Shërbimet e Armatosura, u takua me Presidentin Bujar Nishani, Kryeministrin Edi Rama, Kryetarin e Kuvendit Ilir Meta dhe udhëheqësin e opozitës Lulzim Basha. Senatori McCain po ashtu vëzhgoi ushtrime ushtarake dhe u takua me anëtarë të Forcave të Armatosura të Shqipërisë.

John McCain erdhi në Shqipëri si pjesë e turit të tij ballkanik. Më përpara ai kishte vizituar Serbinë dhe Kosovën. (M.D/ Shuplaka)

                                                          Photo Credits:US Embassy Tirana